Merry Christmas to all

Let' Party

日式芝士蛋糕

出爐喇！出爐喇！日式芝士蛋糕，柔軟細緻綿滑，實在太誘人了！自己動手不太難，立即起動，飯後甜點有著落 (^V^）

日式芝士蛋糕

香草蜆肉扁意粉

出街食蜆肉意粉，好多時候都會配上白汁，唔想努力運動的辛勞白費，又唔一定要虐待自己食白烚無味雞胸來減肥。我的低卡心水之選是原汁原味蜆肉意粉，用蜆湯來煮，啖啖都是海鮮的濃湯精華，yummy（＾ν＾）

香草蜆肉扁意粉

泡菜豆腐鍋

放工後，輕鬆煮，泡菜豆腐鍋至啱心水。
加多支汔水更加爽)^o^(
用上燈泡膠樽，藍調汔水立即變得好有氣氛。
誰說，住家飯好悶蛋?!

韓式醬燒豬仔骨

話咁快來到十二月，生日會、大食會、朋友聚會一個接一個，怕食多左要減肥？識食梗係揀豬仔骨⋯⋯望落好似好大份量，其實骨多肉少，減肥都食得（＾∇＾）

［韓式醬燒豬仔骨］
材料：
豬仔骨 500g
奇異果 半個
生菜     2片
車厘茄 1個

天氣一轉即刻打邊爈，
點樣可以搞搞新意思？
無水蒸氣鍋簡單得滯！
加D界花雜丸又點睇？
灼熟夾起變左朵玫瑰！！！
牛丸得墨魚丸都得喎：）
送花駛乜等特別日子，
給他/她驚喜立即動手！

醬燒豬仔骨⋯努力硏究中 (｡ì _ í｡)

聖誕派對必食！
點整至夠惹味？
岩鹽黑椒最基本，
紅椒粉又火辣辣，
加D果汁好juicy⋯

便當練習中⋯⋯

#薯蓉變出小熊維尼#小豬Piglet煙肉面珠好香啊#米奇其實帶左頭盔#加左蝴蝶結就係米妮

香茜木瓜煮鯇魚

每天營營役役勞碌工作，回家食飯，只想吃一點 comfort food 就好了。放工後，輕鬆煮，湯/餸2合1只需20分鐘，簡單易做！

［香茜木瓜煮鯇魚］

魔法麵

越式蒜蓉牛油雞翼

想食蒜蓉牛油雞翼，唔駛再出街食喇，終於研究出C家舔舔脷配方(^O^)出街食一碟只有4丶5隻，自家煮當然來個雙倍份量慢慢嘆（≧∇≦）

［越式蒜蓉牛油雞翼］

食早餐 x 做手工

方包+火腿，幾個圓形，疊在一起，手卷一碌，玫瑰花造型完成！

《實驗大測試》薑蔥蒜的謎思

《實驗大測試》薑蔥蒜的謎思
初入廚房時，我成日都有個問題：「究竟什麼時候要落薑、蔥、蒜？」唔落得唔得，反正煮完都唔食。既然都唔會食D料頭，唔落就可以慳返唔駛洗，唔駛切，唔駛煮。真是慳番唔少時間㗎！

哎喲，返工已經夠忙了，幹嘛，放工後還要煮飯，仲要煮一堆唔食的料頭？！所以，我有段時間將所有薑蔥蒜都抽起不用，之後又逐一把薑蔥蒜加入餸菜，實實在在的感受下食物的原味，以及加入這些料頭後的變化。哈哈，我就是這樣無聊，你都想跟著一起做個簡單實驗嗎？

煮白灼蝦時，拍扁2－3粒蒜頭加清水一起煲滾，之後加入生蝦灼熟盛起。實驗結果要跟只用清水白灼蝦比較喔。蒜頭真能提升味道？哪會更好吃？試過就會懂。

［蒜蓉開邊蝦］

無花果蘋果雪梨茶

今年中秋節被過往都要早，其實心情尚未準備好，但是喉嚨的不適已經話我知天氣在變-_-# 治未病，唔要返工搵錢養醫生，呢個時候梗要飲杯茶來潤喉(^o^) 一粒鐘搞定！

［無花果蘋果雪梨茶］

薯仔蕃茄炒肉碎

相信無人不知蕃茄含有豐富的茄紅素。越紅的蕃茄，茄紅素含量也越高。多食蕃茄有助抗氧化，即是避免「生銹」，保護皮膚白皙，不要做黃面婆！

［薯仔蕃茄炒肉碎］

炸豬排配玉桂蘋果蜜糖醬汁

油膩的炸豬排，配上玉桂蘋果汁，果香飄來，感覺十分清新。一口炸豬排，一口蘋果蓉。這樣吃，可以越食越瘦嗎？

材料：

泡菜餅

韓式泡菜餅，出街食都是啖啖粉漿。自己整，可以放超多泡菜，再加少少旺菜、洋蔥，好香啊！

［泡菜餅］

週日海鮮餐

當午餐肉變成龍貓⋯

人地話太靚唔捨得食嘛⋯咁整咪望多兩眼先至食囉（≧∇≦）
靜靜雞話你知，又靜雞雞話你知（其實靜靜雞靜啲，還是靜雞雞靜啲呢？哈哈！）龍貓下面是午餐肉粒炒飯，唔好比人知我食咁多肉唷！

一個人的浪漫！

蜜糖雞翼

放工後，想輕鬆煮，又點可以錯過雞翼食譜？？？
更何況，燒雞翼，我 鍾 意 食！
要返工無得去BBQ ，唯有煮蜜糖雞翼頂住先啦（≧∇≦）

［蜜糖雞翼食譜］

史諾比蒸蛋糕

發現屋企有鬆餅粉，立刻用來蒸蛋糕。真是正宗懶人蛋糕，只有五種材料，不用篩粉，不用泡打粉，蛋糕膨脹無難度。隨手拿起竹簽筷子當畫筆用，至普通的蒸蛋糕都可以來個大變身(^O^)

［史諾比蒸蛋糕］

卡通蒸蛋糕‬

來到週末，可以瞓晏啲嗎？點解晨早7點幾就醒⋯今天不是上班日啊⋯

大熱天時，走入廚房都唔願郁，但是入廚房玩又唔會怕熱喎（≧∇≦）發現屋企還有鬆餅粉，立刻用來蒸蛋糕，拿起竹簽筷子當畫筆用，蒸10-12分鐘完成，早餐準備好！

芒果腸粉屋企都整到

天氣咁熱，食飯嘅胃口真係冇乜。但是飯後甜品，屬於另一個胃，多多都食得晒，這是常識吧！ 半個小時預備腸粉兼夾放入雪櫃冷藏，期間快手切開芒果，留起部分攪拌成芒果汁。把芒果肉置中，由邊捲起，芒果腸粉即成。飯後甜品食得喇=）

洋蔥香煎牛仔骨

要贏人，先要贏自己！
牛仔骨，曾經一度被禁止進入C家廚房⋯⋯話說有次高高興興想試煮新菜式，辛苦煮餸得到的評語是1/3係骨，1/3係肥膏，1/3好似好血淋淋咁嘅⋯下刪一萬字令人又沮喪又失落超失敗好氣餒兼夾失去再煮的動力⋯⋯今時今日，呢個餸已經唔再被打入冷宮，反而成為可以進入encore的名單。
媽呀，我苦練成功了，Yeah^o^

［洋蔥香煎牛仔骨食譜］

當憤怒鳥遇上大壞豬⋯

忽然想起之前做的憤怒鳥吐司無朋友仔⋯好啦好啦⋯今朝晨早爬起身把吐司變身！！！我發覺⋯我 真 是 儍 架（≧∇≦）

椰菜黑木耳豬肉餃

放工後，輕鬆煮，包餃惦！
得閒包定D餃子，多菜少肉好juicy，之後一盤餃子立即放雪櫃冰箱冷藏。不用解凍，即取即煮，加個麵底又得，加碟油菜都得，OT完返屋企，唔駛20分鐘食得，簡簡單單又一餐！

［椰菜黑木耳豬肉餃食譜］

法式菠蘿蛋糕

識食嘅，夏天梗係要食菠蘿來解熱消暑！

［法式菠蘿蛋糕食譜］

真的憤怒鳥！

晨早又被鬧鐘吵醒了，ROAR～～～幾時先至可以瞓到自然醒？？？真的憤怒鳥！

雞絲粉皮

最怕雞胸肉又乾又鞋又韌，所以以前的我最愛用雞脾肉來代替，但是雞胸肉和雞脾肉的脂肪含量當然大不同-_-#想食又怕肥，唯有的起心肝努力學（給自己打氣加油吧！）

只要凍水落鑊，煲滾熄火再焗一陣，就能夠煮出嫩滑又多汁的雞胸肉（≧∇≦）嘻嘻，煮餸都唔係咁難啫（自我陶醉中^o^）

[雞絲粉皮食譜］

日式蛋卷

食落肚之前，仔細欣賞是常識吧！

黃澄澄的日式蛋卷，要求心靜手定，
時間溫度控制得宜，嫩滑猶如炒蛋，
煎來必是色澤均勻，組織綿密細緻。

母親節大餐

C家呈獻^^ 母親節大餐

同場加入飯後甜點~芒果河粉

滋味無錫骨

最怕煮西餐，要買好多種香草和醬料，但每次只用少許，之後剩下一大堆材料，然後不知要留到何年何月再使用。因此，有很多朋友閲畢食譜的食材清單後，還是選擇放棄煮西餐。

反之，預備中式料理，看見食譜羅列一大堆醃料，「差不多」先生就會悄悄走出來。沒有紅糖，冰糖也可以嘛；沒有唐芹，不加也罷；沒有花雕，用米酒可以代替吧⋯只是經過「差不多」的改造，味道已經和原食譜相差很遠很遠⋯
我也有朋友曾經建議我用冰糖代替片糖炆煮無錫骨，一試無妨。只是試過了便會發現：冰糖做來色澤光亮且帶點清甜；片糖煮的醬汁則較濃稠，可以緊緊的黏附肉排上，一口接一口，實在滋味無窮！
點煮先至啱，試過你就會懂(^O^)

［無錫骨食譜］

假期有布甸狗到訪^~^

^~^

玫瑰茄子

情迷紫色茄子 ～ 要保留茄子的紫色外皮不被氧化，可以用油泡，也可以用滾水燙，今次試用檸檬汁。把切好的茄子放入清水，混合檸檬汁一同浸泡，然後瀝乾。簡單快捷，零技巧！放工後，輕鬆煮，無難度（≧∇≦）

［玫瑰茄子食譜］

泰式炒河

用最簡單的工具，配合笨拙的雙手，又畫又煎，薄薄一塊的蛋網經已預備好，放在炒河粉上面，立即變成泰式炒河的亮點^o^

［泰式炒河食譜］

羅望子汁醬雞翼

常聽朋友申訴，煮飯好煩、好悶、好厭、唔知食乜⋯其實只要不時更新桌面上的飯餸，不同配搭加上不同的擺盤，那怕天天在家食飯，都會很期待唷^o^朋友們，加油！

有天經過超市，發現這支英國HP醬，其成份包含了羅望子 ～ 就是早前電視介紹香料之國印度，林林總總的香料之中主持人極力捱介；還有地獄廚神Gordon Ramsay的餐廳，其推介菜式都湊巧地使用了羅望子。在香港的街市當然找不到新鮮的羅望子，心思思好奇想試下味，忍不住即刻買來試試（≧∇≦）我真是為食㗎！

［羅望子汁醬雞翼食譜］

咖哩薯仔炆雞翼

踏入春天天氣潮濕的日子，濕濕淋淋，令人感覺很不舒服。正當抽濕機開動之時，也別忘記要為身體怯濕。咖喱等含辛香料的辣辣美食正好發揮作用，一邊食一邊抹汗，千萬不要同時飲用冰水或其他冷飲 ～～～否則只會導致困濕，應該要排走的汗水被滯留體內，日積月累下，只會誘發其他疾病。

想要皮膚好，秋冬要保濕，春夏要怯濕！千萬別躲懶，疾病不纏你！（≧∇≦）

［咖哩薯仔炆雞翼食譜］

第一次包餃子，真是大滿足！

嘩嘩嘩，咁大隻嘅，比湯匙還大，看傻眼了！（＾∇＾）每次入廚房，依然很雀躍，因為每次都是新的學習（≧∇≦）嘻嘻⋯我怕我記性差，還是把要點記錄下來，留待日後重溫！

半斤餃子皮，半斤碎豬肉，半斤白菜，再加急凍虎蝦，可以做到35隻。
想要餃子餡料多汁，醃肉時候一定要加水。把碎豬肉預先撻至起膠，這樣就可做到彈牙的餃子。

餃子皮不被煮至碎開，秘密是煮滾後加入凍水繼續再煮，三上三落，可以食得喇（＾ω＾）
 

蒸蟶子

唔喜歡食海鮮的朋友，通常都是怕了剝殼，覺得好麻煩。既然如此，唯有做多少少，預先把蟶子去殻，這樣就可以吃到「啖啖肉」，絕對不會弄髒一對手，更可以享受海鮮的美味！

［蒸蟶子食譜］