《實驗大測試》薑蔥蒜的謎思

《實驗大測試》薑蔥蒜的謎思
初入廚房時，我成日都有個問題：「究竟什麼時候要落薑、蔥、蒜？」唔落得唔得，反正煮完都唔食。既然都唔會食D料頭，唔落就可以慳返唔駛洗，唔駛切，唔駛煮。真是慳番唔少時間㗎！

哎喲，返工已經夠忙了，幹嘛，放工後還要煮飯，仲要煮一堆唔食的料頭？！所以，我有段時間將所有薑蔥蒜都抽起不用，之後又逐一把薑蔥蒜加入餸菜，實實在在的感受下食物的原味，以及加入這些料頭後的變化。哈哈，我就是這樣無聊，你都想跟著一起做個簡單實驗嗎？

煮白灼蝦時，拍扁2－3粒蒜頭加清水一起煲滾，之後加入生蝦灼熟盛起。實驗結果要跟只用清水白灼蝦比較喔。蒜頭真能提升味道？哪會更好吃？試過就會懂。

［蒜蓉開邊蝦］

材料：
生蝦 1斤
蒜頭 適量

做法：
1/ 把蝦腳剪去，蝦殼對半剪開再挑腸
2/ 把剁好的蒜蓉填入蝦的中間
3/ 煲滾水，中至大火蒸8－10分鐘
4/ 灒少許滾油，加蒸魚豉油